محمدی روحانی قافلہ قرآن و سنت، روحانی دینی دعوت کی تفرقہ بازی و سیاست سے پاک عالمی تحریک ہے جس کو حضرت امام بری سرکار  رحمۃ اللہ تعالیٰ علیہ نے ۱۰۵۲ھ  میں قائم فرمایا۔ حضرت امام بری سرکار  رحمۃ اللہ تعالیٰ علیہ نے غلام حسنین قادری المعروف سائیں سرکار کے جد ِ امجد سائیں فقیر محمد عنایت المعروف شاہ سرکار  رحمۃ اللہ تعالیٰ علیہ کو ۱۰۵۰ ھ میں خلافت کلی سے نوازا تھا وہاں سے یہ سلسلہ خلافت ۱۱  پیشواؤں سے ہوتی ہوئی بارویں نمبر پر سائیں سرکار کو عطا ہوئی۔ خلافت کا یہ سلسلہ ۱۴   واسطوں سے ہوتا ہوا شیخ عبدالقادر جیلانی رضی اللہ تعالیٰ عنہ تک پہنچتا ہے اور۱۲  واسطوں سے امام المتقین علی المرتضیٰ کرم اللہ تعالیٰ وجہ الکریم تک پہنچتا ہے۔ اس طرح سلسلہ قادریہ لطیفیہ کے تمام بزرگان ِ دین کی تعداد ۳۸  ہے۔