Dua Ki Qabuliat Waly Log
ا ن لوگوں کا بیان جنی دعا بارگاہِ الہی میں جلد قبول ہوتی ہیں :
(احادیث صحیحہ سے ثابت ہے کہ )مذکورہ ذیل لوگوں کی دعائیں خاص طور پر قبول ہوتی ہیں
۱) مجبور ولاچار اور بے لیس لوگ ۔ (سورۃ النمل آیت ۶۲)
۲) مظلوم اور ستم رسیدہ لوگ ( ایک روایت میں ہے کہ) اگر چہ وہ گنہگار ہوں (ایک روایت میں ہے )اگر چہ وہ کافر ہی ہوں ۔ (ابو داؤد ج ۱ ص ۲۲۲ )
۳) باپ کی دعا اپنی اولاد کے لیے۔ (ابو داؤد ج ص ۲۲۳ )
۴) امام عادل کی دُعا عدل و انصاف کرنیوالے خلیفہ یا بادشاہی حکمراں کی دعا اپنی رعایا کے لیے۔(بخاری)
۵) ہر نکو کار آدمی کی دعا ۔ ( بخاری ، نسائی)
۶) ماں باپ کے ساتھ اچھا سلوک کرنیوالی خدمت گذار اولاد کی دعا( اپنے ماں باپ کے لئے)۔ (نزل الابرار۲۶)
۷) مسافر کی دعا ۔ (ابوداؤدج ۱ ،ص ۲۲۲ )
۸) روزہ دار کی دعا روزہ افطار کرنے کے وقت ۔ (ابن حبان ج 2 ص ۱۳۱ )
۹) ایک مسلمان کی دعا اپنے دوسرے مسلمان بھائی کے لیے اس کے پس پشت۔ (مسلم ج ۲ ص ۳۵۲)
۱۰) ہر مسلمان کی دعا جب تک کہ وہ کسی ظلم کرنے یا قطع رحمی( قرابتداروں کی حق تلفی )کی دعانہ کرے یا ( دعا کر کے اظہار مایوسی یا شکایت کے طور پر) یہ نہ کہے میں نے دعا مانگی تھی وہ قبول ہی نہیں ہوئی۔(بخاری)
ایک حدیث میں آیا ہے کہ : اللہ تعالی کے کچھ عذاب جہنم سے آزاد کردہ بندے ہیں جن میں سے ہر ایک کی دن رات میں ایک دعاء، ضرور قبول ہوتی ہے۔