Muhammadi Rohani Qafila

Asma ul Husna – mobile.

اللہ تعالیٰ کے اسماء الحسنی کا بیان
اللہ تعالیٰ کے اسماء الحسنی کا بیان

:حدیث شریف میں آیا ہے کہ رسول اللہ صلی الہ علیہ وسلم نےارشاد فرمایا ہے

اللہ تعالیٰ کے اسماء الحسنٰی جن کے ساتھ دعا مانگنے کا ہمیں حکم دیاگیا ہے ننانوے (۹۹) نام ہیں جو شخص ان کا احاطہ کرلے گا (یعنی یاد کرلیا اور پڑھتا رہے گا) وہ جنت میں داخل ہوگا۔( اسی حدیث کے دوسرے الفاظ میں یہ ہے) جو کوئی شخص ان کو حفظ کر لے گا (اور برابر پڑھتا رہے گا) وہ ضرور جنت میں داخل ہوگا ۔ وہ نام یہ ہیں

خدا کا نام

(۱) الله

جو شخص روزانہ ایک ہزار مرتبہ یا اللہ پڑھے گا انشاء اللہ اسکے دل سے تمام شکوک و شبہات دور ہو جائیں گے اور عزم ویقین کی قوت نصیب ہوگی ۔ جو لا علاج مریض بکثرت یا اللہ کا ورد رکھے اور اس کے بعد شفا کی دعا مانگے اسکو شفاء کامل نصیب ہوگی۔

بے حد رحم کرنے والا

(۲) اَلرَّحْمٰنُ

جو شخص روزانہ ہر نماز کے بعد سو مرتبہ یا رحمن پڑھے گا اسکے دل سے انشاء اللہ ہرقِسم کی سختی اور غفلت دور ہو جائیگی۔

بڑا مہربان

(۳) اَلرَّحِيمُ

جو شخص روزانہ ہر نماز کے بعد سو مرتبہ یا رحیم پڑھے گا تمام دنیوی آفتوں سے انشاء اللہ محفوظ رہے گا اور تمام مخلوق اس پر مہربان ہو جائیگی۔

حقیقی بادشاہ

(۴ ) اَلْمَلِكُ

جو شخص روزانہ صبح کی نماز کے بعد یا ملک کثرت سے پڑھا کرے گا اللہ تعالیٰ اسے غنی فرمادیں گے ۔

برائیوں سے پاک ذات

(۵ )اَلْقُدُّوسُ

جو شخص روزانہ زوال کے بعد اس اسم کو کثرت سے پڑھے گا انشاء اللہ اسکادل روحانی امراض سے پاک ہو جائیگا۔

بے عیب ذات

(۶ )اَلسَّلامُ

جو شخص کثرت سے اس ہم کو پڑھتا رہے گا انشاء اللہ تمام آفتوں سے محفوظ رہے گا جو شخص (۱۱۵) مرتبہ یہ اسم پڑھکر بیمار پر دم کرے گا اللہ تعالی اس کو صحت و شفا عطا فرمائیں گے۔

امن وایمان دینے والا

(۷ ) اَلْمُؤْمِنُ

جو شخص کسی خوف کے وقت ۶۳۰ ہیں اس اسم کو پڑھے گا انشا اللہ ہر طرح کے خوف ونقصان سے محفوظ رہے گا ۔ جو شخص اس اسم کو پڑھے یا لکھ کر پاس رکھے اسکا ظاہر و باطن اللہ تعالیٰ کی امان میں رہے گا۔

نگہبان

(۸)اَلْمُہَيْمِنُ

جو شخص غسل کر کے دو رکعت نماز پڑھے اور صدق دل سے ۱۰۰ مرتبہ یہ اسم پڑھے اللہ تعالی اسکا ظاہر و باطن پاک فرما دیں گے ، اور جو شخص (۱۱۵) مرتبہ پڑھے تو انشاء اللہ پوشیدہ چیزوں پر مطلع ہو۔

سب پر غالب

(۹ )اَلْعَزِيزُ

جو شخص چالیس دن تک چالیس مرتبہ اس اسم کو پڑھے گا للہ تعالی کو معزز مستغنی بنا دیں گے، اور جو شخص نماز فجر کے بعد اکتالیس مرتبہ پڑھتار ہے وہ انشاء اللہ کسی کا محتاج نہ ہو اور ذلت کے بعد عزت پائے ۔

سب سے زبردست

(۱۰ )اَلْجَبَّارُ

جو شخص روزانہ صبح و شام (۲۲۶) مرتبہ اس اسم کو پڑھے گا انشا الله ظالموں کے ظلم و قہر سے محفوظ رہے گا اور جو شخص چاندی کی انگوٹھی پر یہ اسم نقش کرا کے پہنے گا اسکی ہیبت و شوکت لوگوں کے دلوں میں انشاء اللہ پیدا ہوگی۔

بڑائی اور بزرگی والا

(۱۱ )اَلْمُتَكَبِّرُ

جو شخص کثرت سے اس اسم کا ورد رکھے گا اللہ تعالیٰ اسے عزت اور بڑائی عطا فرمائیں گے اور اگر ہر کام کی ابتداء میں یہ اسم بکثرت پڑھے تو انشاء اللہ اس میں کامیاب ہوگا۔

پیدا کرنے والا

(۱۲ )اَلْخَالِقُ

جو شخص سات روز تک متواتر ۱۰۰ مرتبہ اس اسم کو پڑھے گا انشاء اللہ تمام آفتوں سے محفوظ رہے گا۔ جو شخص ہمیشہ یہ اسم الْخَالِقُ پڑھتا رہے تو اللہ پاک ایک فرشتہ پیدا کر دیتے ہیں جو اس کی طرف سے عبادت کرتا ہے اور اسکا چہرہ منور رہتا ہے۔

جان ڈالنے والا

(۱۳)اَلْبَارِئُ

اگر بانجھ عورت سات روز روزے رکھے اور پانی سے افطار کرنے کے بعد اکیس مرتبة الباري المصور پڑھے تو انشاء اللہ اسے اولاد نرینہ نصیب ہو۔

صورت دینے والا

(۱۴ )اَلْمُصَوِّرُ

اگر بانجھ عورت سات روز روزے رکھے اور پانی سے افطار کرنے کے بعد اکیس مرتبة الباري المصور پڑھے تو انشاء اللہ اسے اولاد نرینہ نصیب ہو۔

درگذر اور پردہ پوشی کرنیوالا

(۱۵ )اَلْغَفَّارُ

جو شخص نماز جمعہ کے بعد سو مرتبہ اس اسم کو پڑھا کرے گا، انشا اللہ اس پر مغفرت کے آثار ظا ہر ہونے لگیں گے اور جو شخص نماز عصر کے بعد روزانہ یا غفار اغْفِرْ لِي پڑھے گا اللہ تعالیٰ اسکو انشاء اللہ بخشے ہوئے لوگوں کے زمرہ میں داخل کریں گے۔

سب کو اپنے قابو میں رکھنے والا

(۱۶ )اَلْقَهَّارُ

جو شخص دنیا کی محبت میں گرفتار ہو وہ کثرت سے اس اسم کو پڑھے تو انشاء اللہ دنیا کی محبت اس دل سے جاتی رہے گی اور خدا کی محبت ہو جاۓ گی۔

سب کچھ عطا کرنے والا

(۱۷ )اَلْوَهَّابُ

جو شخص فقر و فاقہ میں گرفتار ہو وہ کثرت سے اس اسم کو پڑھا کرے یا لکھ کر اپنے پاس رکھے ، یا چاشت کی نماز کے آخری سجدہ میں چالیس مرتبہ یہ اسم پڑھا کرے تو اللہ تعالیٰ فقر وفاقہ سے انشاء اللہ اس کو حیرت انگیز طریق پر نجات دیدیں گے، اور اگر کوئی خاص حاجت در پیش ہو تو گھر یا مسجد کے صحن میں تین بار سجدہ کر کے ہاتھ اٹھائے اور ۱۰۰ مرتبہ یہ اسم پڑھے انشاء اللہ تعالیٰ حاجت پوری ہو جائے گی۔

بہت بڑا روزی دینے والا

(۱۸ )اَلرَّزَّاقُ

جو شخص نماز فجر سے پہلے اپنے مکان کے چاروں کونوں میں دس دس مرتبہ یہ اسم پڑھ کر دم کرے گا اللہ تعالیٰ اس پر رزق کے دروازے انشاءاللہ کھول دیں گے اور بیماری و مفلسی اس کے گھر میں ہر گز نہ آئیگی داہنے کو نہ سے شروع کرے اور منہ قبلہ کی طرف رکھے۔ ا

بہت بڑا مشکل کشا

(۱۹ )اَلْفَتَّاحُ

جو شخص نماز فجر کے بعد دونوں ہاتھ سینہ پر باندھ کر ۷۰ مرتبہ یہ اسم پڑھا کرے انشاء اللہ اسکا دل نور ایمان سے منور ہو جائے گا۔

بہت وسیع علم والا

(۲۰ )اَلْعَلِيمُ

جو شخص کثرت سے یا علیم کا ورد کریگا اللہ تعالیٰ اس پر انشاء اللہ علم و معرفت کے دروازے کھول دیں گے۔

روزی تنگ کرنے والا

(۲۱ )اَلْقَابِضُ

جو شخص روٹی کے چار لقموں پر اس اسم کو لکھ کر چالیس دن تک کھائے بھوک پیاس زخم اور درد وغیرہ کی تکلیف سے انشاء اللہ محفوظ رہے گا۔

روزی فراخ کرنے والا

(۲۲ )اَلْبَاسِطُ

جو شخص نماز چاشت کے بعد آسمان کی جانب ہاتھ اٹھا کر روزانہ ۱۰ مرتبہ اس اسم کو پڑھے گا اور منہ پر ہاتھ پھیرے گا اللہ تعالیٰ اسے انشاء اللہ یخنی بنادیں گے اور وہ کبھی کسی کا محتاج نہ ہوگا۔

پست کردینے والا

(۲۳ )اَلْخَافِضُ

جو شخص روزانہ ۵۰۰مرتبہ یا خافض پڑھا کرے اللہ تعالی اسکی حاجتیں انشاء اللہ پوری اور مشکلات دور فرمادیں گے ۔جو شخص تین روزے رکھے اور چوتھے روز ایک جگہ بیٹھ کر ۷۰ بار الْخَافِضُ پڑھے تو انشاء اللہ دشمن پر فتحیاب ہو۔

بلند کردینے والا

(۲۴)اَلرَّافِعُ

جو شخص ہر مہینہ کی چودھویں رات کو آدھی رات میں ۱۰۰ مرتبہ الرافع پڑھے تو اللہ تعالیٰ اُسے انشاء اللہ مخلوق سے بے نیاز الرافع بلند کر دینے والا اور تو نگر بنا دیں گے ۔

عزت دینے والا

(۲۵ ) اَلْمُعِزُّ

جو شخص پیر یا جمعے کے دن بعد نماز مغرب چالیس مرتبہ یا معز پڑھا کرےگے اللہ تعالی اسکو انشاء اللہ لوگوں میں باعزت اور باوقار بنادیں گے۔

ذلت دینے والا

(۲۶ )اَلْمُذِّلُ

جو شخص ۷۵ مرتبہ یا مذل پڑھ کر سر بسجود ہوکر دعا کریگا اللہ تعالی اسکو انشاء اللہ حاسدوں ظالموں اور دشمنوں کے شر سے محفوظ رکھیں گے اگر کوئی خاص دشمن ہو تو سجدہ میں اسکانام لیکر کہے اے اللہ، فلاں ظالم یا دشمن کے شر سے محفوظ رکھ دُعا کرے انشاء اللہ قبول ہوگی۔

سب کچھ سننے والا

(۲۷ )اَلسَّمِيعُ

جو شخص جمعرات کے دن چاشت کی نماز کے بعد ۵۰۰یا ۱۰۰یا چاہیں تو یا ۵۰ مرتبہ پڑھے گا انشا اللہ اسکی دعائیں قبول ہونگی در میان میں کسی سے بات ہرگز نہ کرے اور جو شخص جمعرات کے دن فجر کی سنتوں اور فرضوں کے درمیان ۱۰۰ مرتبہ پڑھے گا اللہ تعالیٰ اسکو انشاء اللہ نظر خاص سے نوازیں گے۔

سب کچھ دیکھنے والا

(۲۸)اَلْبَصِيرُ

جو شخص نماز جمعہ کے بعد ۱۰۰ مرتبہ یا بصیر پڑھا کریگا، الہ تعالی اسکی نگاہ میں انشاء اللہ روشنی اور دل میں نور پیدا فرمادیں گے۔

حاکم مطلق

(۲۹ )الْحَكَم

جو شخص اخیر شب میں ۹۹ مرتبہ با وضو یہ اسم پڑھے گا اللہ تعالی اسکے دل کو انشاء اللہ محل اسرار و انوار بنا دیں گے، اور جو شخص جمعہ کی رات میں یہ اسم اس قدر پڑھے کہ بے حال و بے خود ہو جائے تو اللہ تعالیٰ اس کے قلب کو انشاء اللہ کشف والہام سے نوازیں گے۔

سرتا پا انصاف

(۳۰) اَلْعَدْلُ

جو شخص جمعہ کے دن یا جمعہ کی رات میں روٹی کے ۲۰ ٹکڑوں پر العدل لکھ کر کھائیگا اللہ تعالیٰ مخلوق کو اس کے لیے مسحر فرمادیں گے انشاء اللہ ۔

بڑا لطف و کرم کرنے والا

(۳۱) اَللَّطِيفُ

جو شخص ۱۳۳ مرتبه يا لطیف پڑھا کرے انشاءاللہ اسکے رزق میں برکت ہوگی اور اس کے سب کام بخوبی پورے ہوں گے جو شخص فقر و فاقہ ، دکھ بیماری، تنہائی و کس مپرسی یا کسی اور مصیبت میں گرفتار ہو وہ اچھی طرح وضو کر کے دوگا نہ پڑھے، اور اپنے مقصد و مطلب کو دل میں رکھکر سو مرتبہ یہ اسم پڑھے انشاء اللہ مقصد پورا ہوگا۔

باخبر اور آگاہ

(۳۲) اَلْخَبِيرُ

جو شخص ۷ روز تک یہ اسم بکثرت پڑھے گا انشاء اللہ اس پر پوشید راز ظاہر ہونے لگیں گے جوشخص خواہشات نفسانی میں گرفتار ہو وہ بکثرت اس اسم کا ورد کرے انشاء اللہ ان سے رہائی نصیب ہوگی۔

بڑا برد بار

(۳۳) اَلْحَلِيمُ

جو شخص اس اسم کو کاغذ پر لکھ کر پانی سے دھو کر جس چیز پر اس پانی کو پھڑ کے یا ملے گا انشاء اللہ اس میں خیر و برکت ہوگی اور آفتوں سے وہ محفوظ رہے گی۔

بڑا بزرگ

(۳۴) الْعَظِيمُ

جو شخص اس ہم کا بکثرت ورد رکھے گا انشار الہ سے عزت و عظمت نصیب ہوگی۔

بہت بخشنے والا

(۳۵ ) اَلْغَفُورُ

جو شخص اس اسم کا بکثرت ورد رکھے گا ان شاء اللہ اس کی تمام تکلیفیں اور رنج و غم دور ہو جائیں گے، اور مال و اولاد میں برکت ہوگی۔ حدیث شریف میں آیا ہے کہ جو سجدہ میں يَارَبِّ اغفر لی تین مرتبہ کہے گا اللہ تعالیٰ اس کے اگلے پچھلے گناہ معاف فرما دیں گے۔

قدر دان

(۳۶) اَلشَّكُورُ

جو شخص معاشی تنگی یا کسی اور دکھ درد، رنج وغم میں مبتلا ہو وہ اس سکم کو ۴۱ مرتبہ روزانہ پڑھے ان شاء اللہ اسے رہائی نصیب ہوگی۔

بہت بلند و برتر

(۳۷ ) اَلْعَلِيُّ

جو شخص اس اسم کو ہمیشہ پڑھتا رہے اور لکھ کر اپنے پاس رکھے انشاء اللہ اسے رتبہ کی بلندی ، خوشحالی اور مقصد میں کامرانی نصیب ہوگی۔

بہت بڑا

(۳۸ ) اَلْكَبِيرُ

جو شخص اپنے عہدہ سے معزول ہو گیا ہو وہ ۷ روزے رکھے اور روزانہ ایک ہزار مرتبہ یا کبیرُ پڑھے وہ انشاء اللہ اپنے عہدہ پر بحال ہو جائے گا، اور بزرگی و برتری نصیب ہوگی۔

سب کا محافظ

(۳۹ ) اَلْحَفِيظُ

جو شخص بکثرت یا حفیظُ کا ورد رکھے گا اور لکھ کر اپنے پاس رکھے گا وہ انشاء اللہ ہر طرح کے خوف و خطر اور نقصان و ضرر سے محفوظ رہے گا۔

سب کو روزی اور توانائی دینے والا

(۴۰) اَلْمُقِيتُ

جو شخص خالی آبخورے میں سات مرتبہ یہ اسم پڑھ کر دم کرے گا اور اس میں خود پانی پیئے یا کسی دوسرے کو پلائے یا سونگھے گا تو ان شاء اللہ مقصد حاصل ہوگا۔

سب کے لیے کفایت کرنے والا

(۴۱) اَلْحَسِيبُ

جس شخص کو کسی بھی شخص یا چیز کا ڈر ہو وہ جمعرات سے شروع کر کے آٹھ روز تک صبح شام ۷۰ مرتبہ حسبى الله الحسیب پڑھے وہ انشاء اللہ ہر چیز کے شر سے محفوظ رہے گا۔

بڑے اور بلند مرتبے والا

(۴۲) اَلْجَلِيلُ

جو شخص مشک و زعفران سے اس اسم کو لکھ کر اپنے پاس رکھے گا اور بکثرت یا جلیل کا ورد رکھے گا اللہ تعالیٰ اسکو انشاء اللہ عزت و عظمت اور قدر و منزلت عطا فرمائیں گے۔

بہت کرم کرنے والا

(۴۳) اَلْكَرِيمُ

جو شخص روزانہ سوتے وقت یا کریم پڑھتے پڑھتے سو جایا کرے اللہ تعالیٰ اس کو علماء و صلحاء میں عزت نصیب فرمائیں گے۔

بڑا نگہبان

(۴۴) اَلرَّقِيبُ

جو شخص اپنے اہل و عیال اور مال و منال پر ۷ مرتبہ اس اسم کو پڑھ کر روزانہ دم کیا کرے اور یار قیب کا ورد رکھے، انشاء اللہ وہ سب آفتوں سے محفوظ رہے گا۔

دعائیں سننے اور قبول کرنے والا

(۴۵) اَلْمُجِيبُ

جو شخص بکثرت یا مُجِیبُ پڑھا کرے انشاء اللہ اس کی دعائیں بارگاہ خداوندی میں قبول ہونے لگیں گی۔

وسعت والا

(۴۶) اَلْوَاسِعُ

جو شخص بکثرت يا واسع کا ورد رکھے گا انشاء اللہ اس کو ظاہری اور باطنی غنا اللہ تعالیٰ عطا فرمائیں گے۔

بڑی حکمتوں والا

(۴۷) اَلْحَکِیمُ

جو شخص کثرت سے یا حکیم پڑھا کرے اللہ تعالیٰ اس پر انشاء اللہ علم و حکمت کے دروازے کھول دیں گے جس شخص کا کوئی کام پورا نہ ہوتا ہوتو وہ پابندی سے اس اسم کو پڑھا کرے انشاء اللہ کام پورا ہو جائے گا۔

بڑا محبت کرنے والا

(۴۸) اَلْوَدُودُ

جو شخص ایک ہزار (۱۰۰۰) مرتبہ یا وَدُودُ پڑھ کر کھانے پرم کرے گا اور بیوی کے ساتھ بیٹھ کر وہ کھانا کھائے گا تو انشاء اللہ میاں بیوی کا جھگڑا ختم ہو جائیگا اور باہمی محبت پیدا ہو جائے گی۔

بڑا بزرگ

(۴۹) اَلْمَجِیدُ

جو شخص کسی موذی مرض آتشک ،جذام وغیرہ میں گرفتار ہو وہ ۱۳، ۱۴، ۱۵ تاریخ کے روزے رکھے اور افطار کے بعد بکثرت اس اسم کو پڑھا کرے اور پانی پر دم کر کے بیٹے انشاء اللہ وہ مرض دور ہو جائیگا۔

مردوں کو زندہ کرنے والا

(۵۰ ) اَلْبَاعِثُ

جو شخص روزانہ سوتے وقت سینے پر ہاتھ رکھ کر ۱۰۱ مرتبہ یا باعث پڑھا کرے انشاء اللہ اسکادل علم و حکمت سے زندہ ہو جائے گا۔

حاضر و ناظر

(۵۱) اَلشَّھِیدُ

جس شخص کی بیوی یا اولاد نا فرمان ہو وہ صبح کے وقت اسکی پیشیانی پر ہاتھ رکھ کر اکیس مرتبہ یا شھید پڑھ کردم کرے انشاء الله فرمانبردار ہو جائے گی ۔

برحق و برقرار

(۵۲) اَلْحَقُّ

جو شخص چوکور کاغذ کے چاروں کونوں پر الحق لکھ کر سحر کے وقت کاغذ کو ہتھیلی پر رکھکر آسمان کی طرف بلند کر کے دعا کرے انشاء اللہ گمشدہ شخص یا سامان مل جائے گا، اور نقصان سے محفوظ رہے گا۔

بڑا کارساز

(۵۳) اَلْوَکِیلُ

جو شخص کسی بھی آسمانی آفت کے خوف کے وقت بکثرت یاوکیل کا ورد کرے گا اور اس اسم کو اپنا وکیل بنا لے گا وہ انشاء اللہ آفت سے محفوظ رہے گا ۔

بڑی طاقت والا

(۵۴) اَلْقَوِیُّ

جو شخص واقعی مظلوم اور کمزور مغلوب ہو وہ اس ظالم اور طاقتور دشمن کو دفع کرنے کی نیت سے بکثرت اس اسم کو پڑھے انشاء اللہ اس سے محفوظ رہے گا۔ (بے محل اور ناحی عمل ہر گز نہ کرے)۔ ۵۵

شدید قوت والا

(۵۵) اَلْمَتِینُ

جس عورت کے دودھ نہ ہو اس کو المتین کا غذ پر لکھکر دھوکر پلائیں انشاء اللہ خوب دودھ ہو گا۔

مددگار

(۵۶) اَلْوَلِیُّ

جو شخص اپنی بیوی کی عادتوں خصلتوں سے خوش نہ ہو وہ جب اسکے سامنے جائے اس اسم کو پڑھا کرے انشاء اللہ نیک خصلت ہو جائیگی ۵۰۔

لائق تعریف

(۵۷) اَلْحَمِیدُ

جو شخص ۴۵ دن تک متواتر ۹۳ مرتبہ تنہائی میں یا حمید پڑھ کر ےہ اسکی تمام بری خصلتیں اور عادتیں انشاء اللہ دور ہو جائیں گی۔

اپنے علم اور شمار میں رکھنے والا

(۵۸) اَلْمُحْصِي

جو شخص روٹی کے ۲۰ ٹکڑوں پر روزانہ بیس مرتبہ یہ اسم پڑھ کر کھائے تو انشاء اللہ مخلوق اس کے لیے مسخر ہو جائے گی۔

پہلی بار پیدا کرنے والا

(۵۹) اَلمُبْدِئُ

جو شخص سحر کے وقت حاملہ عورت کےپیٹ پر ہاتھ رکھ کر ۹۹ مرتبہ یامبدئ پڑھے گا انشاء اللہ نہ اسکا حمل گرے گانہ وقت سے پہلے بچہ پیا ہو گا۔

دوباره پیدا کرنیوالا

(۶۰) اَلْمُعِيدُ

گم شدہ شخص کو واپس بلانے کے لیے جب گھر کے سب آدمی سوجائیں تو گھر کے چاروں کونوں میں ستر ستر مرتبہ یا مُعیدُ پڑھے ، انشاء اللہ سات روز میں واپس آئیگا یا پتہ چل جائیگا۔

زندگی دینے والا

(۶۱) اَلْمُحْيِى

جو شخص بیمار ہو وہ بکثرت المحی کا درد رکھے یا کسی دوسرے بیمار پر دم کرے تو انشاء اللہ صحت یاب ہو جائے ۔ جو شخص ۸۹ مرتبہ المحی پڑھ کر اپنے اوپر دم کرے وہ ہر طرح کی قید و بند سے انشاء اللہ محفوظ رہے گا۔

موت دینے والا

(۶۲) اَلْمُمِيتُ

جس شخص کا نفس اس کے قابو میں نہ ہو وہ سوتے وقت سینہ پر ہاتھ رکھ کر الممیت پڑھتے پڑھتے سو جائے تو انشار اللہ اسکا نفس مطیع ہو جائے گا۔

ہمیشہ ہمیشہ زندہ رہنے والا

(۶۳) ٱَلْحَىُّ

جو شخص روزانہ تین ہزار مرتبہ الحی کا ورد رکھے گا وہ انشاء اللہ کبھی بیمار نہ ہوگا۔ جو شخص اس اسم کو چینی کے برتن پر مشک اور گلاب سے لکھکر شیریں پانی سے دھو کر پیٹے یا کسی دوسرے بیمار کو پلائے انشاء اللہ شفاء کامل نصیب ہو۔

سب کو قائم رکھنے اور سنبھالنے والا

(۶۴) ٱَلْقَيُّومُ

جو شخص بکثرت اسم القیوم کا ورد رکھے انشاء اللہ لوگوں میں اسکی عزت اور تھ زیادہ ہوا اور تنہائی میں بیٹھ کر ورد کرے تو انشاء اللہ خوش حال ہو جائے۔ جو شخص صبح کی نماز کے بعد سے سورج نکلنے تک یا حی یا قیوم رکھنے کا ورد کیا کرے انشاء اللہ اسکی سستی و کاہلی دور ہو جائے۔

ہر چیز کو پانے والا

(۶۵ ) اَلْوَاجِدُ

جو شخص کھانا کھاتے وقت یا واجد کا ورد رکھے غذا اسکے قلب کی طاقت وقوت اور نورانیت کا باعث ہو انشاء اللہ

بزرگی اور بڑائی والا

(۶۶ ) اَلْمَاجِدُ

جو شخص تنہائی میں یہ اہم اس قدر پڑھے کہ بے خود ہو جائے تو انشاء اللہ اس کے قلب پر انوار الہیہ ظاہر ہونے لگیں گے۔

ایک، اکیلا

(۶۷) ُٱَلْوَاحِدُ ٱلْأَحَد

جو شخص روزانہ ایک ہزار مرتبہ الواحِدُ الْأَحَدُ پڑھا کرے اس کے دل سے انشاء اللہ مخلوق کی محبت اور خوف جاتا رہے گاہ جس شخص کی اولاد نہ ہوتی ہو وہ اس اسم کو لکھ کر اپنے پاس رکھے انشاء اللہ اسکو اولاد صالح نصیب ہوگی۔

بے نیاز

(۶۸) ٱَلْصَّمَدُ

جوشخص سحرکے وقت سجدہ میں سر رکھ کر ۱۱۵یا ۱۲۵ مرتبہ اس اسم کوپڑھے اسکو انشاء اللہ ظاہری و باطنی سچائی نصیب ہو اور جو شخص باوضو اس اسم کا ورد جاری رکھے وہ انشاء اللہ مخلوق سے بے نیاز ہو جائے۔

قدرت والا

(۶۹ ) ٱَلْقَادِرُ

جو شخص دو رکعت نماز پڑھ کر سو مرتبہ الْقَادِرُ پڑھے گا اللہ تعالی اس کے دشمنوں کو ذلیل ورسوا فرمادیں گے (اگر وہ حق پر ہوگا )۔ اگرکسی شخص کو کوئی دشوار کام یا کسی کام میں دشواری پیش آجائے تو ۴۱ بار یا قادِرُ پڑھے انشاء اللہ وہ دشواری دور ہو جائے گی۔

پوری قدرت رکھنے والا

(۷۰) ٱَلْمُقْتَدِرُ

جو شخص سوکر اٹھنے کے بعد بکثرت المقتدر کا ورد کیا کرے یا یا کم از کم ۲۰ مرتبہ پڑھا کرے انشاء اللہ اس کے تمام کام آسان اور درست ہو جائیں گے۔

پہلے اورآگے کرنے والا

(۷۱) ٱَلْمُقَدِّمُ

جو شخص جنگ کے وقت الْمُقَدِّم کثرت سے پڑھتا رہے گا اللہ تعالیٰ اسے (پیش قدمی کی) قوت انشاء اللہ عطا فرمادیں گے اور دشمنوں سے محفوظ رکھیں گے ۔ اور جو شخص ہر وقت یا مقدم کا ورد رکھے گا وہ انشاء اللہ، اللہ تعالی کا مطیع اور فرمانبردار بن جائیگا ۔

پیچھے اور بعد میں رکھنے والا

(۷۲ ) ٱَلْمُؤَخِّرُ

جو شخص کثرت سے الموخر کا ورد رکھے گا اسے ان شاء اللہ سچی توبہ نصیب ہوگی اور جو شخص روزانہ سو مرتبہ اس اسم کو پابندی سے پڑھا کرے اس کو ان شاء اللہ ایسا حق تعالی کا قرب نصیب ہوگا کہ اس کے بغیر چین نہ آۓ گا

سب سے پہلے

(۷۴) ٱَلْأَوَّلُ

جس شخص کے لڑکا نہ ہوتا ہو وہ چالیس دن تک ۴۰ مرتبہ روز الاول پڑھا کرے انشاء اللہ اسکی مراد پوری ہوگی۔ جو شخص مسافر ہو وہ جمعہ کے دن ایک ہزار (۱۰۰۰)مرتبہ الاول پڑھے انشاء اللہ جلد بخیریت وطن واپس پہنچے گا۔

سب سے آخر

(۷۳ ) ٱَلْآخِرُ

جو شخص روزانہ ایک ہزار (۱۰۰۰)مرتبہ الاخر پڑھا کرے اس کے دل سے غیر اللہ کی محبت دور ہو جائے گی اور انشاء اللہ ساری عمر کوتاہیوں کا کفارہ ہو جائیگا اور خاتمہ بالخیر ہوگا۔

ظاہر و آشکار

(۷۵) ٱَلْظَّاهِرُ

جو شخص نماز اشراق کے بعد پانچ سو (۵۰۰)مرتبہ الظاهِرُ کا ورد کیا کرے اللہ تعالیٰ اس کی آنکھوں میں روشنی اور دل میں نور عطا فرمائیں گے انشاء اللہ

پوشیدہ و پنہاں

(۷۶ ) ٱَلْبَاطِنُ

جو شخص روزانہ ۳۳ مرتبہ یا باطن پڑھا کرے انشاء اللہ اس پر باطنی اسرار ظاہر ہونے لگیں گے اور اس کے قلب میں انس و محبت الہی پیدا ہو گی۔ جو شخص دو رکعت نماز ادا کر کے
هُوَ الاول وَالْآخِرُ وَالظَّاهِرُ وَالْبَاطِنُ وَهُوَ عَلَى كُلِّ شَيْءٍ قَدِيرُ پڑھا کرے انشاء اللہ اسکی تمام حاجتیں پوری ہوں گی ۔

متولی اور متصرف

(۷۷ ) ٱَلْوَالِي

جو شخص کثرت سے الوالی کا ور درکھے گا وہ ناگہانی آفتوں سے انشاء اللہ محفوظ رہیگا۔ کورے آبخورہ میں یہ اسم لکھ کر اس میں پانی بھر کر مکان میں چھڑ کے گا تو وہ مکان بھی انشاء اللہ تمام آفتوں سے محفوظ رہے گا۔ اگر کسی کو مسخر کرنا چاہے تو گیارہ مرتبہ یہ اسم پڑھے انشاء اللہ وہ فرماں بردار ہو جائے گا۔

سب سے بلند و برتر

(۷۸ ) ٱَلْمُتَعَالِي

جو شخص کثرت سے المتعالی کا ورد کھے انشاء اللہ اسکی تمام مشکلات رفع ہو نگی اور جو عورت حالت حیض میں کثرت سے اس اسم کا ور د رکھے انشاء اللہ اسکی تکلیف رفع ہوگی۔

بڑا اچھا سلوک کرنے والا

(۷۹ ) ٱَلْبَرُّ

جو شخص شراب نوشی زناکاری وغیرہ بدکاریوں میں گرفتار ہو روزانہ سات مرتبہ یہ اسم پڑھے انشاء اللہ ان گناہوں کی رغبت جاتی رہے گی جو شخص حُبِ دنیا میں مبتلا ہو اس اسم کو بکثرت پڑھے انشاء اللہ محبت دنیا اس کے دل سے جاتی رہے۔ جو شخص اپنے بچہ پر پیدا ہونے کے بعد میں ۷ مرتبہ اس اسم کو پڑھ کر دم کردے اور اللہ تعالیٰ کے سپرد کرے وہ بلوغ تک تمام آفتوں سے محفوظ رہے۔

بہ زیادہ توبہ قبول کرنیوالا

(۸۰ ) ٱَلْتَّوَّابُ

جو شخص نماز چاشت کے بعد ۳۶۰ مرتبہ اس اسم کو پڑھا کرے گا انشاء اللہ اسے سچیتو بہ نصیب ہوگی، اور جو شخص کثرت سے اس اسم کو پڑھا کریگا انشاء اللہ اس کے تمام کام آسان ہو نگے ۔ اگر کسی ظالم پر ۱۰ مرتبہ پڑھ کر دم کیا جائے تو انشاء اللہ اس سے خلاصی نصیب ہوگی۔

بدلہ لینے والا

(۸۱ ) ٱَلْمُنْتَقِمُ

جو شخص حق پر ہو اور دشمن سے بدلہ لینے کی اس میں قدرت نہ ہو وہ تین جمعہ تک بکثرت یا منتقم پڑھے اللہ تعالی خود انشاء اللہ انتقام لے لیں گے۔

بہت زیادہ معاف کرنے والا

(۸۲) ٱَلْعَفُوُّ

جو شخص کثرت سے الْعَفُو پڑھا کرے اللہ تعالی اسکے گنا ہوں م کو انشاء اللہ معاف فرمادیں گے۔

بہت بڑا مشفق

(۸۳) ٱَلْرَّؤُفُ

جو شخص بكثرت يَا ر ووف کا ور در کھے انشاء اللہ مخلوق اس پر مہربان ہو جائیگی اور وہ مخلوق پر اور جو شخص ۱۰ مرتبہ درود شریف اور ۱۰ مرتبہ اس اسم کو پڑھے تو انشاء اللہ اسکا غصہ رفع ہو جائیگا دوسرے غضبناک شخص پر دم کرے تو اسکا غصہ رفع ہو جائیگا۔

مالکوں کا مالک

(۸۴) مَالِكُ ٱلْمُلْكُ

جو شخص مالک الملک کو ہمیشہ پڑھتا رہے گا اللہ تعالیٰ اسکو غنی اور اور لوگوں سے بے نیاز فرما دیں گے اور وہ کسی کا محتاج نہ رہے گا۔

عظمت و جلال اور انعام و اکرام والا

(۸۵) ذُو ٱلْجَلَالِ وَٱلْإِكْرَامُ

جو شخص کثرت سے یا ذا الجلال والاکرام پڑھے گا اللہ تعالیٰ اسکو عزت و عظمت اور مخلوق سے استغناء عطا فرما دیں گے۔

عدل و انصاف قائم کرنے والا

(۸۶) ٱَلْمُقْسِطُ

نوں جو شخص روزانہ اس اسم کو پڑھا کرے وہ انشاء اللہ شیطانی وسوسوں سے محفوظ رہے گا اور اگر کسی خاص اور جائز مقصد کے لیے ۷۰۰ مرتبہ اس اسم کو پڑھے گا تو انشاء اللہ وہ مقصد حاصل ہوگا۔

سب کو جمع کرنے والا

(۸۷) ٱَلْجَامِعُ

جس شخص کے اعزا یا احباب منتشر ہو گئے ہوں وہ چاشت کے وقت غسل کر کے اور آسمان کی طرف منہ کر کے ۱۰ مرتبہ یا جامع پڑھے اور ایک انگلی بند کر لے اسی طرح ہر ۱۰ مرتبہ پر ایک انگلی بند کرتا جائے آخر میں دونوں ہاتھ منھ پر پھیرے انشاء اللہ جلد جمع ہو جائیں گے۔ اگر کوئی چیز گم ہو جائے تو اللهُمَّ يَا جَامِعَ النَّاسِ اليوم لا رَيْبَ فِیهِ اجْمَع ضَالَّتِی پڑھا کرے وہ چیز اسے ان شاء اللہ مل جائیگی، جائز محبت کے لئے بھی یہ دعا بے مثال ہے۔

بڑا بے نیاز و بے پردا

(۸۸)ٱَلْغَنِيُّ

جو شخص روزانہ ستر مرتبہ یا غنی پڑھا کرے اللہ تعالی اسکے مال میں بے برکت عطا فرمائیں گے اور وہ انشاء اللہ کسی کا محتاج نہ رہے گا۔ جو شخص ظاهری یا باطنی مرض یا بلا میں گرفتار ہو وہ اپنے تمام اعضاء اور جسم پر یا غنی پڑھ کر دم کیا کرے انشاء اللہ نجات پائے گا۔ ا

بے نیاز وعنی

(۸۹) اَلْمُغْنِيُّ

جو شخص اول آخر گیاره گیاره (۱۱)مرتبہ درود شریف پڑھ کر گیارہ سو گیارہ (۱۱۱۱) مرتبہ وظیفہ کی طرح یہ اسم پرحے تو اللہ تعالی اس کو ظاہری و باطنی غنا عطا فرمائیں گے صبح کی نماز کے بعد پڑھے یا عشاء کی نماز کے بعد اس کے ساتھ سورہ مزمل بھی تلاوت کرے۔

روک دینے والا

(۹۰) اَلْمَانِعُ

اگر بیوی سے جھگڑایا نا چاقی ہو تو بستر پر لیٹتے وقت ۲۰مرتبہ یہ اسم پڑھا کرے انشاء اللہ جھگڑا اور نا چاقی دور ہو جاۓ گی اور باہمی انس و محبت ہو جائیگی۔ جو شخص بکثرت اس اسم کا ورد رکھے گا انشاء اللہ ہر شر سے محفوظ رہے گا۔ اور اگر کسی خاص اور جائز مقصد کے لیے پڑھے تو انشاء اللہ وہ حاصل ہو جائیگی۔

ضرر پہنچانے والا

(۹۱) اَلضَّارُ

جو شخص شب جمعہ میں ۱۰۰ مرتبہ الضار پڑھا کرے وہ انشاء اللہ تمام ظاہری اور باطنی آفتوں سے محفوظ رہے گا اور قرب خُدا وندی اُسے حاصل ہوگا۔

نفع پہنچانے والا

(۹۲) اَلْنَّافِعُ

جو شخص کشتی یا کسی اور سواری میں سوار ہونے کے بعد یا نافع کثرت سے پڑھتا رہے انشاء اللہ ہر آفت سے محفوظ رہے گا جو شخص کسی بھی کام کے شروع کرتے وقت ۴۱ مرتبہ یا نافع پڑھ لیا کرے ، انشاء اللہ حسب منشا ہوگا۔ اور جو شخص بیوی سے جماع کے وقت یہ اسم پڑھے تو اُسے انشاء اللہ اولاد صالح نصیب ہوگی۔

سرتاپا نوراور نوز بخشنے والا

(۹۳ ) اَلْنُّورُ

جو شخص شب جمعہ میں ۷ مرتبہ سورہ نور اور ایک ہزارا یک (۱۰۰۱)مرتبہ اس اسم کو پڑھا کرے تو انشاء اللہ اسکا دل انوار الہی سے منور ہو جائے گا۔

سید ھاراستہ دکھانے اور اس پر چلانے والا

(۹۴) اَلْهَادِي

جو شخص ہاتھ اٹھا کر آسمان کی طرف منہ کر کے بکثرت یا ھادی پڑھے اور آخر میں چہرہ پر ہاتھ پھیر لے اسکو انشاء اللہ کامل ہدایت نصیب ہوگی اور اہل معرفت میں شامل ہو جائے گا۔

بے مثال چیزوں کو ایجاد کرنے والا

(۹۵) اَلْبَدِيعُ

جس شخص کوکوئی غم یا مصیبت یا کوئی بھی مشکل پیش آۓ و ہ ایک ہزار (۱۰۰۰) مرتبہ یا بديعُ السَّمَوتِ وَالْأَرْضِ پڑھے انشاء اله کشائش نصیب ہوگی جو شخص اس اسم کو باوضو پڑھتے ہوئے سو جائے تو جس کام کا ارادہ ہو وہ انشاء اللہ خواب میں نظر آ جائے گا۔ جو شخص نماز عشاء کے بع
د یا بدِيعَ الْعَجَانِبِ بِالْخَيْرِ يَا بَدَيْعُ۱۲۰۰ مرتبہ دن پڑھے گا تو جس کام کے لئے پڑھے گا انشاء اللہ وہ پورا عمل ختم ہونے سے پہلے حاصل ہو جائیگا۔ آزمودہ ہے۔

ہمیشہ ہمیشہ باقی رہنے والا

(۹۶) اَلْبَاقِي

جو شخص اس اسم کو ایک ہزار مرتبہ جمعہ کی رات میں پڑھے اللہ تعالیٰ اسکو ہر طرح کے ضرر و نقصان سے محفوظ رکھیں گے اور انشاء اللہ اسکے تمام نیک عمل مقبول ہوں گے ۔

سب کے بعد موجود رہنے والا

(۹۷)اَلْوَارِثُ

جو شخص طلوع آفتاب کے وقت ۱۰۰ مرتبہ يَا وَارِثُ پڑھے گا انشاء اللہ ہر رنج و غم اور سختی و مصیبت سے محفوظ رہے گا، اور خاتمہ بالخیر ہوگا۔ اور جو شخص مغرب و عشاء کے درمیان ایک ہزار (۱۰۰۰) مرتبہ پڑھے ہر طرح کی حیرانی و پریشانی سے انشاء اللہ محفوظ رہے گا۔

راستی اور نکوئی پسند کرنے والا

(۹۸) اَلْرَّشِيدُ

جس شخص کو اپنے کسی کام یا مقصد کی تدبیر سمجھ میں نہ آتی ہو وہ مغرب و عشاء کے درمیان ایک ہزار (۱۰۰۰) مرتبہ یار شید پڑھے تو انشاء اللہ یا خواب میں تدبیر نظر آجائیگی یا دل میں اس کا القا ہو جائے گا، اگر روزانہ اس اسم کا ورد رکھے تو تمام مشکلات انشاء اللہ دور ہوجائیگی اور کاروبارمیں خوب ترقی ہوگی

بڑے صبر و تحمل والا

(۹۹) ٱَلْصَّبُورُ

جو شخص طلوع آفتاب سے پہلے ۱۰۰ مرتبہ اس اسم کو پڑھے وہ انشا اللہ اس دن ہر مصیبت سے محفوظ رہے گا ، اور دشمنوں ، حاسدوں کی زبانیں بند رہیں گی جو شخص کسی بھی طرح کی مصیبت میں گرفتار ہو وہ ایک ہزار (۱۰۲۰) مرتبہ اس اسم کو پڑھے انشاء اللہ اس سے نجات پائے گا۔ اور اطمینان قلب نصیب ہوگا۔