ازکار

الحمدللہ رب العالمین والصلوۃ والسلام علیٰ سید الانبیا ء والمرسلین و علیٰ آلہ واصحابہ اجمعین : اَللّٰھُمَّ صَلِّ عَلٰی مُحَمَّدٍ وَّ عَلٰی آلِ مُحَمَّدٍوَّ بَارِکْ وَسَلِّمْ :یا اللہ عزوجل ہمارے گناہوں کو معاف فرما ہمیں سچی توبہ نصیب فرما ۔یا الہیٰ اپنے فضل و کرم اور اپنے ذکر کے طفیل ہمارے دلوں کی سیاہی دھو ڈال ۔اے اللہ ہمارے والدین کے گناہوں کو معاف فرما ۔اے اللہ تمام مسلمان اہل ایمان کی مغفرت فرما ۔ اے اللہ ہمیں ہمارے مرشد کا منظور نظر بنا ۔اے اللہ محمدی روحانی قافلہ اور جامعہ لطیفیہ نذیریہ کو بہت ہی عالی شان ترقی عطا فرما ۔یا اللہ عزوجل ہمارے دلوں میں نور کردے اور ہماری آنکھوں میں نوراور ہمارے کانو ں میں نور اور ہمارے دائیں نور اور ہمارے بائیں نور اورہمارے اوپر نور اور ہمارے نیچے نور اور ہمارے آگے نور اور ہمارے پیچھے نور اور ہمارے لیے نور کردے اور ہماری زبان میں نور اور پٹھے نورانی کردے اور ہمارا گوشت نورانی اور ہمارا خون نورانی اور ہمارے بال نورانی اور ہمارا بدن نورانی اور ہمارے نفسوں میں نور اور بہت ہی نور بخش۔ اے اللہ ہمیں نور عطافرما یا۔یا اللہ عزوجل دنیا و آخرت میں ہماری پردہ پوشی فرمانا۔یا اللہ عزوجل ہم تیری رحمت سے مدد چاہتے ہیں یا اللہ عزوجل تو بہت ہی اچھا کار ساز ہے ہمارے کام میں ہماری مددفرما ۔یا اللہ عزوجل ہم سب کو باطن اور ظاہر کی بیماریوں سے محفوظ رکھ ۔یا الہیٰ ہمارے ماں باپ اور ساری امت کی مغفرت فرما ۔یا اللہ عزوجل ہمیں حقوق اللہ ،حقوق العباد اور حقوق والدین ،حقوق اولا د ،حقوق ہمسایہ ،رشتہ داروں کے حقوق اور دیگر حقوق پورے کرنے کی توفیق عطا فرما ۔یا الہیٰ ہمیں حج ِبیت اللہ نصیب فرما اور ہمیں اپنے آقا و مولا تاجدار ِمدینہ صلی اللہ علیہ وآلہ وسلم کے روضہ اطہر پر حاضر ہونے کی توفیق عطا فرما ۔سبز جالیوں کے سامنے گبند خضریٰ کی ٹھنڈی ٹھنڈی چھاؤں میں نہایت ادب سے صلوۃ وسلام پڑھنے کی توفیق عطا فرما اور بار بار یہ سعادتیں ہمیں نصیب فرما ۔یا اللہ ہمیں ایما ن وعافیت کے ساتھ اپنے آقا و مولا والیِ مدینہ صلی اللہ علیہ وآلہ وسلم کے قدمین شریفین میں موت نصیب فرما اور جنت البقیع میں مدفن اور جنت الفردوس میں اپنے پیارے محبوب کا پڑوس عطا فرماتے ہوئے جنت میں ہمیں اپنا دیدار نصیب فرما ۔اے اللہ ہماری زندگی قرآن وسنت روحانی دینی دعوت کے کام کے لیے محمدی روحانی قافلہ کی زنجیر کے ساتھ منسلک رکھ ۔ اے اللہ عزوجل ہمیں اپنے مرشد کا منظور نظر بنا ۔اے اللہ عزوجل ہماری تما م جائز دعائیں اپنے فضل و کر م اور اپنے محبوب صلی اللہ علیہ وآلہ وسلم کے طفیل قبول و منظور فرما ۔ وَ صَلَّی اللّٰہُ تَعالیٰ عَلٰی خَیرِ خَلْقِہٖ مُحَمَّدٍ وَّ عَلٰی آلِہٖ وَ اَصْحَابِہٖ وَاَولیاءِ اُمَّتِہٖ اَجْمَعِیْن ۔بِرَحْمَتِکَ یَا اَرْحَمَ الرّٰحِمِیْن۔آمین بجاہ ِ نبی الکریم صلی اللہ علیہ وآلہ وسلم –