اے حلیمہ ! خوش ہو جاؤ کیونکہ تمہارے لیے ہی بشارت ہے ۔ تمہیں مسرتوں اور سرور کے ساتھ نوازا گیا اور تو نے آپ کی وجہ سے تمام آرزوؤں کو بھی بچا لیا ۔ ایسے نبی ( محترم ) ﷺجن میں تمام صفات حمیدہ جمع ہوئیں اور آپ ﷺ کے حسین چہرہ کے باعث تم کامیابی سے ہم کنار ہوئیں۔
اے حلیمہ ! خوش ہو جاؤ کیونکہ تمھارے لیے ہی بشارت ہے ۔ کامیابی تمہارے لیے ہی ہے کیونکہ تم نے خیر الخلائق ﷺ کو دودھ پلانے کا فریضہ اور شفاعت مصطفیٰ ﷺ کو حاصل کیا۔ آپ ﷺ کے اوصاف میں سے حسن قناعت ہے اور آسودہ حالی سے خوش ہو جاؤ کیونکہ تم ایک ہی جگہ رہائش پذیر ہو۔ اے حلیمہ خوش ہو جاؤ کیونکہ تمہارے لیے ہی بشارت ہے ۔ تم نے اس مصطفیٰ و ہادی ﷺ کی کفالت کی جن پر جان قربان کی جاتی ہے اور آپ ﷺایسے نبی ہیں جنہوں نے مکارم اخلاق کی چادر اوڑھی ہوئی ہے۔ جب چاند نظر آتا ہے تو آپ ﷺ سے غیرت کھاتا ہے کیونکہ آپ ﷺ کے چہرہ میں اوصاف کر یمہ جمع ہیں۔ “اے حلیمہ خوش ہو جاؤ کیونکہ تمہارے لیے ہی بشارت ہے ۔ کائنات میں آپ ﷺ کے جمال کی دلہن کی حفاظت کی جاتی ہے اور اس کے متعلق افعال کریمانہ والی آیات کی تلاوت کی جاتی ہے۔ آپ ﷺ ایک صاحب استقلال حبیب ﷺہیں جن سے دیر تک فائدہ اٹھایا گیا اور آپ ﷺ کے عظیم افعال حمیدہ ظاہر ہوئے۔
اے حلیمہ ! خوش ہو جاؤ کیونکہ تمہارے لیے ہی بشارت ہے ۔ ایسے نبی ہیں جن کا نور حسن میں ظاہر ہے اور ایسے حبیب ہیں جن کی خوشبو کائنات میں پھوٹ رہی ہے۔ آپ ﷺ کے اوصاف کی تعریفیں کی جاتی ہیں اور آپ ﷺکی برکات کے باعث ہی تم مقیم ہوگئی ہو۔ اے حلیمہ ! خوش ہو جاؤ کیونکہ تمہارے لیے ہی بشارت ہے۔ دار الخلد میں کس نے آپ ﷺ پر رحمت نازل فرمائی اور آثار رضا آپ ﷺ پر ظاہر ہوئے ۔ بہت ہی زیادہ خوشحالی آپ ﷺ کی طرف دوڑ کر آتی ہے اور جنت میں حوریں آپ ﷺ کی خدمت کیلئے حاضر ہیں ۔ اے حلیمہ ! خوش ہو جاؤ کیونکہ تمہارے لیے ہی بشارت ہے۔
حلیمہ سعدیہ رضی اللہ عنہا فرماتی ہیں: میں جس گھر، درخت اور ڈھیلے کے پاس سے گزرتی تو وہ کہتا: اے حلیمہ تجھے بشارت ہو، جو کچھ میں نے دیکھا اس کے باعث میں متعجب ہوگئی ۔ خوشی نے مجھے گھیر لیا اور سید الا نام ﷺ کے نور نے مجھ سے ظلمت کی شدت کو دور کر دیا تو میں حضور نبی کریم ﷺ کے انوار کی روشنی میں چلتی رہی یہاں تک کہ میں اپنے گھر پہنچ گئی اور جو کچھ میرے ارد گرد تھا وہ روشن ہو گیا جب بنو سعد نے ان انوار کو دیکھا تو انہوں نے کہا: اے حلیمہ! یہ چمکنے والا نور کیا ہے؟ جب حلیمہ رضی اللہ عنہا نے آپ ﷺ کے چمکنے والے انوار کی تصدیق کر لی تو خوش ہوئی اور اٹھ کر ہمارے نبی خیر الانام ﷺ کے ساتھ بغل گیر ہوگئی۔ حلیمہ کہتی ہیں کہ ہم سے مشقت دور ہوگئی اور خوشی آگئی۔ اے ہماری کامرانی و سعادت مندی ! ہم نے محمدمصطفی ﷺ کی آمد کی وجہ سے آرزو کو پالیا۔ نور مصطفی ﷺ کا پایا جانا سورج کیلئے عقل اور صفا کا مقصود ہے۔ عطاء کا خزینہ اور وفا کا راز ہمارے پاس شیر خوار بچہ ہو گیا۔ اس کیلئے بشارت ہو جو سعادتمند بنادی گئی اور خوفناک اشیاء سے دور کر دے گئی ۔ رب کریم کی طرف سے رضاعت احمد ﷺ کا وعدہ دی گئی جو کہ ہم سب سے افضل ہیں ۔ اللہ تعالیٰ نے آپ ﷺ کے مرتبہ کو ہمارے اندر بلند فرمایا اور آپ ﷺ کے عمدہ کام کا اعلان فرمایا۔ اے پکارنے والے! آپ ﷺ کے ذکر کو بار بار دہراؤ کیونکہ آپ ﷺ کی محبتوں اور چاہتوں کو یہاں جمع کرتا ہوں۔ اگر تو نے سعادت کا قصد کیا ہے تو آپ ان کی پناہ میں آ جاؤ کیونکہ سعادت آپ ﷺ کی محبت ہے۔
یا رب !ہم تمام کو حساب والے دن حضور نبی کریم ﷺ کے طفیل سعادت مند بنا ۔ آمین حلیمہ فرماتی ہیں کہ آپ ﷺ اس طرح پروان چڑھے کہ بچوں میں سے کوئی ایک بھی آپ ﷺ کی طرح نہیں پھلا پھولا۔